Yahoo ka vendosur të nxjerr në ankand 3000 patenta në lidhje me aktivitetet e tij në internet; kompania parashikon të faturoj të paktën 1 miliard dollarë.
Yahoo ka nisur një ankand për një portofol prej rreth 3000 patenta. Kompania, sipas Wall Street Journal, parashikon të rekuperoj më shumë se 1 miliard $. Në javët e fundit, kompania ka dërguar letra për një numër blerësish potencial patentash, të cilat përfshijnë, ndër të tjera, edhe ato që lidhen me teknologjinë e saj të kërkimit.
Yahoo ka vendosur një afat kohor për gjysmën e muajit qershor për ofertat paraprake dhe kontraktuar Black Stone IP, një bankë investimesh e specializuar në shitjen e patentave, për të drejtuar ankandin. Një zëdhënëse Yahoo konfirmoi se kompania është duke eksploruar mundësinë e shitjes së rreth 3.000 patentave. Për kompanitë që operojnë në fushën e internetit kjo është një mundësi e madhe për të marrë në duart e tyre disa patentave të rëndësishme të lidhura me motorët e kërkimit dhe reklamave në web. Yahoo filloi shitjen e patentave të saj sëbashku me ankandin për blerjen e biznesit të tij kryesor kompanisë Verizon që do të jetë gati për të formalizuar një propozim prej 3 miliardë dollarësh.
Ky ankand i ri paraqitet padyshim joshës për shumë kompani që operojnë në tregun e internetit dhe ka të ngjarë që kompania të ketë shumë kërkesa dhe çmimi i vlerësuar i shitjes, atëherë do të rritet me kalimin e kohës. Së dyti, disa analistë kanë theksuar se vlera e 3000 patentave Yahoo do të mund të kalojë shifrën stratosferike prej një miliard dollarë.
