Besojmë se e mbani mend nga hera e kaluar kur ishte dhe puntata e parë e “Big Brother” se në vendin e opinionistëve ishte një çift, Labinot Gashi së bashku me të fejuarën e tij, Qëndresën. Por ata treguan gjithashtu se nuk do të ishin për çdo të shtunë aty sepse “Vëllai i madh” kishte vendosur që çdo herë do të kishte nga një çift të ndryshëm për të komentuar ngjarjet e javës.
Blitz.al ka zbuluar nga burime të sigurta se çifti i opinionistëve të kësaj jave do të jetë çifti i këndshëm Alban Dudushi dhe Bieta Sulo. Kjo e fundit është aktualisht shtatzënë, ndërkohë që nuk është hera e parë që ky çifti është prezent në të njëjtin emision sepse siç mund ta mbani mend ata kanë qenë bashkë në sezonin e kaluar të “Top Show Magazine”, ku Albani ka drejtuar programin e tij dhe Bieta ka qenë në rolin e opinionistes.
Duke marrë shkas nga eksperiencat e tyre televizive, mund të themi se mbrëmja e nesërme në “Big Brother” premton shumë! /Blitz.al/