Ai është lideri i botes sëlirë. Kur komandanti në fuqi të thotë ‘Dua të shoh episodet i pari,’ çfarë duhet të bësh?
Kështu e kanë komentuar David Benioff dhe D.B. Weiss, krijuesit dhe showrunner të Game of Thrones, dërgimin e episodeve të sezonit të gjashtë të serialit para transmetimit në tv njeriut më të fuqishëm në botë: Barack Obama.
Lajmi se Presidenti i Shteteve të Bashkuara do të ishte i vetmi person për të pasur këtë privilegj kishte qarkulluar pak kohë më parë, ndërsa tani është konfirmuar se Obama do të jetë i pari që do të ketë mundësinë për të parë të gjitha episodet e sezonit të ri para se ato të transmetohen në rrjetin amerikan HBO.
Sezoni i gjashtë i Game of Thrones debuton në 24 prill 2016 dhe përmban 10 episode. Xhirimet filluan në korrik të vitit të kaluar dhe përfunduan në fund të 2015-ës, dhe janë bërë në Kroaci, Spanjë, Maltë dhe Irlandë. Prodhuar nga D.B. Weiss dhe David Benioff, sezoni i gjashtë bazohet në novelën e gjashtë të “A Song of Ice and Fire” të George R.R. Martin, me titull The Winds of Winter, botimi i të cilit është ende i pa përcaktuar, si edhe nga novela e katërt dhe pestë, A Feast for Crows dhe A Dance with Dragons.
Trupës së aktorëve të sezoneve të kaluara këtë vit i shtohen Ian McShane, Max von Sydow (Korbi me tre sy), Pilou Asbæk (Euron Greyjoy), Freddie Stroma (Dickon Tarly), Richard E. Grant (Izembaro), James Faulkner (Randyll Tarly), Samantha Spiro (Melessa Tarly), Rebecca Benson (Talla Tarly).
