Në Prill të vitit 2016, Mark Zuckerberg mbajti fjalimin kryesor në konferencën vjetore të Facebook-ut, në të cilën ai shprehu aspiratën e kompanise për “t’ju dhënë të gjithëve mundësinë për të ndarë gjithçka me të gjithë”.
Pas komenteve të javës së kaluar mbi përdorimin e paautorizuar të të dhënave të përdoruesve, me ndikim katastrofik në rezultatin e Zgjedhjeve Presidenciale të vitit 2016, është e drejtë të supozohet që CEO i Facebook, tani dëshiron që disa njerëz të mos marrin kuptimin e parë të komenteve të tij.
E kemi të vështirë të kuptojmë se si një kompani që mbante një reputacion shumë të mirë, si një nga mediat sociale më të mira në botë, mund të kishte qenë kaq naive në identifikimin e rreziqeve që mund të hasnin përdoruesit e Facebook. Si mund që ata të ishin kaq të shkujdesur duke nguruar të paralajmëronin përdoruesit se informacioni i tyre personal po lundron në hapësirën kibernetike. Me pak fjalë, çfarë po mendonte Mark Zuckerberg?
Ajo çfarë i bën zbulimet e kohëve të fundit rreth përdorimeve të paligjshme të të dhënave të Facebook , kaq irrituese për opinionistët, janë përgjigjet e vonuara nga menaxherët e kompanisë dhe ankesat të cilat kanë rënë në vesh të shurdhër. U deshën pesë ditë nga publikimi i “bombave” nga “New York Times” and “Observers”, gjatë së cilës Facebook hodhi pothuajse 50 miliardë dollarë, përpara se drejtuesit e lartë të kompanisë të botonin më në fund atë që është konsideruar si një përgjigje e përshtatshme.
Gjatë heshtjes së zgjatur nga ana e CEO-s dhe COO-s së Facebook, drejtues të tjerë të lartë të kompanisë përdorën Twitter dhe Facebook për të mohuar përgjegjësinë e korpooratave. Në një nga postimet u diskutua seriozisht se sistemet e Facebook-ut ishin shkelur, duke këmbëngulur në një shpjegim teknikisht korrekt, por që dukej se ishte një shmangie përgjegjësie: “Kjo pa dyshim nuk ishte një shkelje e të dhënave. Njerëzit zgjodhën t’i ndajnë të dhënat e tyre në aplikacione të tjera dhe nëse këto aplikacione nuk i kanë respektuar marrëveshjet që ne kemi me përdoruesit, atëherë kjo nuk është një shkelje. Asnjë sistem nuk u infiltrua, asnjë fjalëkalim apo informacion nuk është vjedhur apo hakuar”.
Ky shpjegim konstruktiv për fjalën “shkelje” solli një ngushëllim të lehtë për përdoruesit, të cilët rrallë u kushtojnë rëndësi rregullave të Facebook dhe në çdo rast presin që Facebook të mbrojë të dhënat e tyre private nga përdorimi i dëmshëm dhe i paautorizuar. Si Mark Zuckerberg i cili më në fund pranoi të jepte përgjigjen e tij të shumëpritur (në Facebook natyrisht), “Ne kemi përgjegjësinë për t’i mbrojtur të dhënat tuaja, dhe nëse nuk arrijmë ta bëjmë këtë gjë, atëherë nuk meritojmë t’ju shërbejmë juve”.
Në rastin tjetër të një përgjigje fillestare jo të përshtatshme nga ana e Facebook, një zëdhënës i Facebook tha për “The Daily Beast”, “E gjithë kompania është në tension për faktin se kemi rënë pre e mashtrimit. Ne jemi të përkushtuar të zbatojmë me forcë politikat tona për të mbrojtur të dhënat e njerëzve dhe do të ndërmarrim të gjithë hapat që kërkohen për të parandaluar çdo shkelje”.
Por cënimi ndaj Facebook ishte shumë i vogël dhe shumë i vonuar, pasi shkaku i cili solli shkeljen e besimit të kompanisë, duhet të ishte identifikuar dhe adresuar tre vjet më parë. Në vitin 2014, një akademik i Universitetit të Kembrixhit Aleksandër Kogan, mbajti një fjalim publik në Singapor, ku përshkruante se si ai ishte në gjendje të analizonte një shembull prej mbi 50 milionë përdorues të Facebook, për të cilët ai zhvilloi “aftësinë për të kuptuar virtualisht çdo veçori”, duke ndërtuar një bazë të dhënash për çdo miqësi të bërë në botë në Facebook nga 2006 në 2012-tën.
Një vit më vonë, The Guardian publikoi një përmbledhje të hollësishme se si Cambridge Analytica, e cila kishte paguar për të pasur akses në të dhënat masive të Kogan, mbi përdoruesit e Facebook, përdori profile të detajuara në elektoratin amerikan për fushatën presidenciale të Ted Cruz. Facebook reagoi duke kërkuar nga Cambridge Analytica dhe Kogan që të vërtetonin, se ata kishin shkatërruar të gjithë të dhënat e paligjshme të përdoruesve. Por Facebook nuk arriti ta ndjekë këtë çështje në rrugë ligjore.
Burimi: Len Sherman, Forbes
Shqipëroi:tvklan.al
