Çfarë është Hantavirusi, virusi që shkaktoi një viktimë sot në Kinë?

Lajmi i një person që humbi jetën në Kinë ditën e sotme si pasojë e një virusi që quhet “Hantavirus”, ka krijuar jo pak panik në botën që është tashmë duke luftuar me një pandemi, atë të Covid-19, epiqendra e të cilit ishte po ashtu në shtetin aziatik. Madje aq shumë vëmendje mori raportimi i mediave për rastin me Hantavirus sa brenda pak orësh u bë tema më e diskutuar në rrjetet sociale si Twitter dhe Facebook. Gjithçka nisi nga ky raportim i Global Times: Një person në provincën Yunnan ka ndërruar jetë teksa kthehej nga puna me autobus ditën e hënë. Ai ishte testuar pozitiv për Hantavirus. 32 personat e tjerë në autobus po ashtu u testuan”

Por çfarë është Hantavirusi? Disa janë duke e quajtur një virus të ri por nuk është aspak i tillë. Sipas Qendrës Bioteknologjike të Informacionit në SHBA (NCBI) ky është një virus që përfshin më shumë se 21 specie. Agjenti që e shkakton është izoluar në vitin 1978 në Korenë e Jugut nga brejtësit e fushës dhe mori emrin Hanatann, për shkak të lumit Hantan që kalonte në zonën aty afër. Në vitin 1981, termi “Hantavirus” filloi të përdorej për viruset që shkaktonin temperaturë, të shoqëruar me probleme të sistemi renal.

Sipas CDC, Qendrës Amerikane për Kontrollin edhe Parandalimin e Sëmundjeve, hantaviruset të njohura ndryshe si hantaviruset e “Botës së Re” mund të shkaktojnë dhe probleme pulmonare, ndërkohë që njihen dhe hantaviruset e “Botës së Vjetër”, në Europë dhe Azi, të cilat janë shkaktaret e temperaturës dhe problemeve renale. Çdo njeri që qëndron pranë minjëve që mund të jenë bartës të këtij virusi, mund të infektohet.

Mund të transmetohet në rrugë respiratore, nga urina e brejtësve apo lëngjet që e kanë virusin dhe qarkullojnë në ajër. Njerëzit mund të infektohen dhe kur i prekin minjtë e infektuar, vendin ku ata kanë qëndruar dhe më pas prekin sytë, hundën apo gojën. Gjithashtu mund ta marrin nëse kafshohen nga brejtësit. Përgjatë viteve, në shtete të ndryshme janë raportuar me dhjetëra raste të hantavirusit.

Simptomat përfshijnë: Temperaturë, dhimbje të forta muskujsh, lodhje. Pas disa ditëve kanë vështirësi në frymëmarrje, ndonjëherë shoqërohet me dhimbje koke, marrje mendsh, ethe, të përzierja, diarre apo dhimbje stomaku. Zakonisht nuk kanë problem me sekrecionet, me fytin apo puçra.

/News31.al

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.