Më në fund data erdhi! Vizion Plus këtë të Shtunë ka vendosur të publikojë edhe datën e shumëpritur të startimit të “Dancing With The Stars 7”.
E menduar fillimisht se do të ishte në fillim të shtatorit, por që u shty gjatë për shkak të markatës së këtij sezoni Televiziv, spektakli do të ndryshojë këtë herë edhe ditën e transmetimit ashtu si ishte thënë edhe më parë.
Ky edicion i 7 i yjeve që vallëzojnë do të transmetohet në fashën “prime-time” gjatë të Premteve duke filluar nga ora 20.45.
Dancing With The Stars 7 këtë vit do të ringjisi në skenë, personazhet që kanë spikatur gjatë gjashtë sezoneve të kaluar, ndërkohë që anëtarët e jurisë do të jenë: Ilir Shaqiri, balerin, Ema Andrea, balerinë dhe aktore, si edhe Alfred Kaçinari, kompozitor.
Moderatore e këtij edicioni do të jetë modelja e njohur Almeda Abazi./IMAlbania.com/
