Sot, në ditën Ditën Evropiane të Gjuhëve, ambasadorët e BE i janë drejtuar me një mesazh qytetarëve shqiptarë për të respektuar masat ndaj COVID-19.
‘’BE dhe shtetet antëare e kanë mbështetur Shqipërinë në luftën kundër COVID-19 që nga fillimi i pandemisë. Ne do të vazhdojmë të ndihmojmë. Por tani e keni ju radhën ta bëni këtë pjesë”, tha ambasadori Soreca.
Pas fjalimit në anglisht, Soreca vendosi që t’ju drejohet shqiptarëve në shqip me fjalët ‘’Mbaj maskën, laj duart dhe ruaj distancën. Bashkë mund t’ia dalim.’’
Më tej ai u shpreh se është radha e qytetarëve të bëjnë pjesën e tyre, teksa premtoi se BE nuk do të reshtë së ndihmuari Shqipërinë në luftën kundër COVID-19.
Ndërkohë, zyra e BE në Shqipëri shkruan në Facebook se “Ne të gjithë mund të flasim gjuhë të ndryshme por sfida jonë kryesore sot ka një emër: koronavirus”.
