Pak ditë më parë, aktori i njohur i humorit Gentian Zenelaj humbi babanë e tij pas infektimit me Covid-19. Ka qenë vetë aktori i cili e bëri të ditur lajmin përmes një postimi në rrjete sociale.
“Me hidhërim të thellë njoftoj ndarjen sot nga jeta të babait tim Rexhep Zenelaj, pas një beteje të gjatë me Covid 19. Ju falenderoj nga zemra për çdo mendim dhe ngushëllim që kam marrë nga ju. Zoti ju bekoftë! Varrimi zhvillohet nesër në orën 13:00 në Shëngjin”, shkroi Genti.
Sot aktori ka treguar se ka luftuar edhe vetë me sëmundjen e cila i mori njeriun më të shtrenjtë.
Ai e quan të pabesë këtë virus me të cilin luftoi për 14 ditë ndërsa i cilëson këto ditët më të vështira të jetës së tij.
“14 ditë luftova me këtë sëmundje të pabesë dhe të poshtër miqtë e mi. Sëmundje që më mori njeriun e shtrenjtë,” ka shkruar ai krahas fotove në spital.
