Femrat më imune, shkon në 3% vdekshmëria nga koronavirusi

Bashkohuni me grupin tonë zyrtar në Facebook duke klikuar këtu!

Shifrat zyrtare që raportohen çdo ditë për COVID-19 zbulojnë se femrat janë më imune se meshkujt. Mbi 60 për qind e vdekjeve në Shqipëri dhe në rang global i përkasin gjinisë mashkullore. Rastet e mbyllura deri më tani flasin për vdekshmërinë 3%.

Teksa numri i individëve me COVID-19 në Shqipëri ka kaluar 30 mijë, statistikat e përpunuara nga ISHP tregojnë se në ndarje gjinore numri i femrave të prekura është më i madh se numri i meshkujve.

Në raport ky numër superon lehtë me 52%, por statistikat përmbysen kur bëhet fjalë për fatalitetet. Numri i vdekjeve deri në datën 20 nëntor është 653, nga të cilët 67 për qind janë meshkuj dhe 33 femra.

Edhe në Maqedoninë e Veriut, deri më date 15 nëntor, janë regjistruar gjithsej 853 persona të vdekur të gjinisë mashkullore dhe 485 të vdekur të gjinisë femërore.

Një prirje e tillë vihet re edhe në vende të tjera, ku Italia ka regjistruar rreth 60 për qind të vdekjeve për gjininë mashkullore. Kjo shifër për Spanjën përllogaritet 59%, për Gjermaninë 58% dhe për New Yorkun 69%.

Studiuesit janë munduar të japin një shpjegim për këtë sjellje të diferencuar të gjinive ndaj të njëjtit patogjen dhe shpjegimi më domethënës mbështetet në mënyrën e funksionimit të sistemit imunitar. Disa proteina të sistemit imunitar te angazhuara kundër viruseve sillen në mënyrë të ndryshme në dy gjinitë. Sistemi imunitar i lindur dhe i fituar i femrave konsiderohet me i fortë se ai i meshkujve. Një nga këto ndryshime qëndron në praninë e një proteine të veçantë që quhet receptori i tipit Roll (Roll7).

Ndërkohë sa i përket statistikave të rasteve të mbyllura, deri më tani sipas universitetit John Hopkins, vdekshmëria nga coronavirusi mbërrin në 3 për qind. E thënë ndryshe nga 41 milionë individë të prekur, 1.4 milionë nuk e kanë fituar betejën me sëmundjen.

Bashkohuni me grupin tonë zyrtar në Facebook duke klikuar këtu!


Bashkohuni me grupin tonë zyrtar në Facebook dedikuar informacioneve rreth TELEVIZIONIT duke klikuar këtu!


Bashkohuni me grupin tonë zyrtar në Facebook dedikuar SERIALEVE TURKE duke klikuar këtu!