Përveç rikthimit të shumëpritur të “Ferma VIP” me sezonin e dytë, ky edicion shënon edhe rikthimin në ekran të moderatores Luana Vjollca, pas një mungese mbi njëvjeçare, që pas përfundimit të kontratës së saj me TV Klan, ku realizoi programet “Zemër Luana” dhe “Love Island Albania”.
Ky është një moment i rëndësishëm në karrierën televizive të Luanës, pasi për herë të parë ajo vjen në Vizion Plus, dhe pikërisht në një format prime time, që pritet të jetë një nga më të ndjekurit e sezonit. Luana sjell me vete jo vetëm eksperiencën, por edhe energjinë dhe karizmën që e kanë bërë një ndër figurat më të dashura për publikun shqiptar.
“Ferma VIP 2” nis më 31 Mars, çdo të hënë dhe të premte në orën 21:00 në Vizion Plus, ndërsa ndjekësit mund të përjetojnë gjithçka që ndodh brenda fermës, 24 orë në 24, në dy kanale të dedikuara të Tring.
Një edicion i ri, një rikthim i madh, dhe një moderatore që premton spektakël.
