Kanë filluar sot në Vancouver, British Columbia, xhirimet e Birth of the Dragon, filmi i ri i George Nolfi qe rrefen historine e ndeshjes legjendare midis maestros Shaolin Wong Jack Man dhe të riut Bruce Lee, i zhvilluar në mesin e viteve ’60. Historia do të tregohet nëpërmjet syve të një dishepulli të ri të arteve marciale, Steve McKee, i paanshëm dhe besnik ndaj aftësive të të dy burrave. Edhe në ditët e sotme ka ende debat dhe dyshime mbi fituesin e duelit, e vetmja gjë e sigurt është se pas tij Bruce Lee e braktisi stilin e mëparshëm të ushtrimit të arteve marciale dhe krijoi një të tijin personal, atë që më pas e bëri të njohur si legjenda e pavdekshme.
Billy Magnussen, të cilin e kemi parë në Into the Woods, do të interpretoj Steve McKee. Yu Xia do të ketë rolin e Wong Jack Man, ndërsa i riu Bruce Lee do të interpretohet nga Philip Ng. Në cast gjejmë edhe aktoren Jinging Qu, personazhi i të cilës do të jetë objekti i përkujdesjeve sentimentale të Magnussen. Film është shkruajtur nga Christopher Wilkinson dhe Stephen J. Rivele, të nominuar për çmimin Oscar për filmin Nixon.
