Tashmë zbulohet edhe lëvizja e radhës e Julka Gramos pas largimit nga Top Channel.
Moderatorja do të jetë pjesë e sezonit të ri televiziv të RTSH, ndërsa surpriza është zbuluar në promon e publikuar nga vetë televizioni publik.
Julka shfaqet me një format të ri që mban titullin “Eja te Ne”, duke konfirmuar kështu rikthimin e saj në ekran me një program të sajin.
Lëvizja vjen pas eksperiencës së saj në Top Channel, ku ishte pjesë e programit të përditshëm “Në Shtëpinë Tonë”, përkrah Alban Musës.
Largimi i Julkës nga formati kishte ngritur pikëpyetje mbi projektin e saj të ardhshëm televiziv. Tashmë promoja e RTSH-së jep përgjigjen: moderatorja ka zgjedhur televizionin publik për kapitullin e saj të ri profesional.
“Eja te Ne” është një prej risive që RTSH po paralajmëron për sezonin e ri, i cili duket se do të shoqërohet jo vetëm me një ofertë të fortë serialesh ndërkombëtare, por edhe me ndryshime dhe emra të njohur në produksionet shqiptare.
Mbetet për t’u zbuluar formula e plotë e programit, të ftuarit dhe pozicionimi i tij në fashën ditore të RTSH-së.
