Aktori belg Jean-Claude Van Damme është gati për t’u rikthyer , dhe me të edhe saga e Kickboxer, e nisur vite më parë në 1989 me filmin e Mark DiSalle dhe David Worth që vazhdoi më pas në rrjedhën e viteve me katër sequel (i fundit daton në 1995, me protagonist Mark Dacascos).
Nga 1989, Van Damme nuk u bë më pjesë e serialit, duke i lënë vendin të aktorëve të tjerë. Por tashmë gjërat duket se do të ndryshojnë.
Sipas informacioneve të para bëhet e ditur se filmi i parë i serialit, me titull Kickboxer: Vengeance, rrëfen historinë e një atleti artesh marciale me emrin Kurt Sloane (interpretuar nga Alain Moussi) që shkon në Tailandë për të marr hakun e të vëllait të vrarë në ring gjatë një takimi në rang lokale nga Tong Po, interperetuar nga Dave Bautista. Këtu Sloane do të njihet me mentorin e tij, Master Durand, aktorin Jean-Claude Van Damme, i cili do të përgatis djaloshin për ndeshjen me Tong Po.
Në cast-in e filmit gjemë edhe aktorë të tjerë të njohur të këtij zhanri si Gina Carano dhe Georges St-Pierre
Regjizori i filmit është John Stockwell, ndersa skenari mban firmen e Dimitri Logothetis dhe Jim McGrath.
Për momentin nuk është njoftuar asnjë datë zyrtare e shfaqjes së filmit nga produksioni.