Kompania e WordPress Automattic blen Tumblr

Verizon ka arritur në një marrëveshje për shitjen e Tumblr kompanisë Automattic, që zotëronplatformën e njohur WordPress. Verizon e cila kishte blerë Tumblr sëbashku me Yahoo në 2017, po planifikonte shitjen e kësaj platforme në fillim të këtij viti. Sipas Axios, shifra e akorduar për shitjen është më e ulët se 20 milionë dollarë, madje dyshohet se nuk i kalon 3 milionë dollarë. Automaticc do të punësojë 200 punonjësit e platformës. Në 2013 Yahoo shpenzoi 1,1 miliardë dollarë për blerjen e platformës.

450 milionë blogje

Tumblr ka 450 milionë blogje dhe në të kaluarën konsiderohej një nga aktorët kryesorë në hapsirën social media. Sipas The Verge, popullariteti i tij pësoi një goditje të fortë vitin e kaluar kur Verizon vendosi të hiqte nga platforma përmbajtjet me karakter pornografik. Administratori i deleguar i Automattic, Matt Mullenweg, ka thënë për Wall Street Journal që do vazhdojë të ndalojë këtë lloj përmbajtje.

Rënia e trafikut

Tumblr përdorej shumë nga komuniteti LGBTQ. Vendimi për të ndaluar të gjitha materialet për të rritur kishte ndikuar që shumë përdorues të bojkotonin website-in dhe si rrjedhojë kjo çoi në rënien e trafikut që gjeneronte në rrjetë.

Jo vetëm WordPress

Përveç WordPress, Automattic zotëron edhe platformën eCommerce WooCommerce, të Longreads e Simplenote. Tumblr konsiderohet blerja më e rëndësishme e kompanisë deri më sot.

REKLAMA
loading...

KOMENTO

This site uses Akismet to reduce spam. Learn how your comment data is processed.