Gjigandi i produksionit filmik Lionsgate dhe platforma e video sharing Vimeo kanë nënshkruar një partnership që e bën Lionsgate studion e parë Hollywood-iane që do të licensojë produksionet e saj në këtë platformë.
Ky është shërbimi i parë premium amerikan që do të shpërndaje produksionet e saj në më shumë se 150 shtete në botë në të njëjtën kohë.
Lionsgate nëpërmjet dyqanit online të Vimeo do të ofrojë për abonentët katalogun e të gjitha serialeve si Orange is the New Black, Casual, The Royals, Mad Men dhe të tjerë tituj si Weeds, Nurse Jackie, Boss, Blue Mountain State dhe Manhattan. Gjithashtu për tregun amerikan do të ofrohen po në të njëjtën platformë produksione kinematografike.
Ky shërbim do të lëshohet zyrtarisht në datë 18 tetor në panairin MIPCOM 2016 Global Market në Kanë.
