Kostoja e vaksinës së ardhshme Covid, e zhvilluar nga laboratorët Sanofi dhe Glaxo Smith Kline, nuk është ende e përcaktuar përfundimisht, por do të jetë më pak se 10 euro. Këta fakt e ka konfirmuar presidenti i “Sanofi France”. Duke folur për çmimin e publikuar nga konkurrenti anglo-suedez AstraZeneca, që shkon në 2,50 euro, Bogillot ka thënë se ky ndryshim është i lidhur me faktin që Sanofi përdor të gjitha burimet e tij të brendshme, ndërsa AstraZeneca ka përdorur edhe burime të jashtme.
“Francezët dhe europianët do ta kenë vaksinën e Sanofit njëkohësisht më pacientët amerikanë. Kemi firmosur gjatë verës kontrata me amerikanët dhe gjatë të njëjtës javë edhe me europianët dhe anglezët”, ka deklaruar Bogillot duke saktësuar se SHBA do të kenë 100 milionë doza, BE 300 milionë dhe Britania e Madhe 30 milionë doza.
