Fushata zgjedhore ka nisur zyrtarisht në Shqipëri! Starti për ti mbushur mendjen qytetarëve ishte më 25 mars 2021 në sheshet kryesore të Tiranës, ndërkohë që vijon dita ditës në qytete dhe zona të ndryshme të vendit.
Përpos premtimeve që kandidatët bëjnë teksa takojnë qytetarët ajo që bie në sy është dhe pamja, si vishen dhe simbolet që përdorin.
Stil, elegancë dhe krijimtari… këto u vunë re në veshjet e disa prej grave shqiptare në politikë mirëpo pas nuk u lanë dhe disa meshkuj që tërhoqën vëmendjen tonë.
Çfarë veshën, kombinimet, stili dhe detajet…të gjitha i lexoni më poshtë:
E nisim artikullin me Monika Kryemadhin. Kryetarja e LSI-së iu është përmbajtur stili të saj, xhaketë me ngjyra të ndryshme, ndërsa poshtë e shoqëron me golf ose bluza të thjeshta.
Në kahun e Partisë Demokratike janë disa gra të cilat me veshjet që kanë zgjedhur në ditët e para të fushatës kanë tërhequr vëmendje. Grida Duma për elegancën dhe për faktin që guxon më së shumti duke përdorur fustane të ngushta, pardesy dhe taka. Hera herës, guximi duket dhe në ‘look’, flokët herë të lidhura e herë të lëshuara në onde, ndërsa grimi është gjithnjë i njëjtë, me tone të zeza. Floriana Garo, e cila tashmë mban postin e zëdhënëses së partisë blu, është shfaqur me ngjyra të PD. Fustane dhe pallto të gjata janë stili i saj, të cilat nuk munguan dhe në mitingun që u mbajt në sheshin ‘Nënë Tereza’. Jorida Tabaku po ashtu në daljet e saj për mediat si dhe në takimet me qytetarët shfaqet me një stil klasik. Albana Vokshi mban po të njëjtin stil. Xhaketë dhe një bluze poshtë, me flokët herë të lidhura dhe herë të lëshuara.