Policia e Elbasanit ka arrestuar gjatë 24 orëve të fundit 4 persona, si edhe shpalli në kërkim 3 të tjerë për vepra të ndryshme penale.
Kështu, u arrestuan në kushtet e flagrancës A.Q., 30 vjeç, banues në fshatin Labinot Fushë, Elbasan, dhe F.Gj., 50 vjeç, banues në fshatin Vidhas, Elbasan, pasi janë kapur duke drejtuar mjetet në gjendje të dehur.
Po ashtu, është arrestuar edhe një 23 vjeçar nga fshati Shalës, Cërrik, pasi u kap duke drejtuar mjetin pa leje drejtimi.
Gjithashtu u arrestua edhe A.K., 38 vjeç, banues në Elbasan, arrestimi i tij u bë pasi në aksin rrugor Librazhd-Elbasan , duke drejtuar mjetin në gjendje të dehur ka humbur kontrollin mbi mjetin dhe është përplasur me muret mbrojtëse të rrugës dhe për pasojë është plagosur vetë drejtuesi i mjetit, i cili ndodhet jashtë rrezikut për jetën.
U procedua penalisht në gjendje të lirë shtetasi: S.I., 44 vjeç, banues në fshatin Shtërmen, Cërrik, pasi është kapur nga shërbimet e Policisë, duke transportuar 5 m3 dru zjarri.
Raportohet gjithashtu se u arrestua edhe një 49 vjeçar nga fshati Gostimë i Cerrikut, pasi në pyllin e fshatit Shtërrmen, Cërrik në mënyrë të qëllimshëm ka ndezuar disa vatra zjarri dhe për pasojë është djegur një pjesë e pyllit dhe disa pemë frutore.
