Dramat, historitë e dashurisë dhe skandalet e familjeve të shoqërisë së lartë të Londrës gjatë Regjencës Angleze do të vazhdojnë të emocionojnë spektatorët për të paktën dy sezone të tjera.
Netflix ka njoftuar se Bridgerton do të ketë një sezon të tretë dhe të katërt. E dyta është në progres: “Bridgerton na bëri të dashurohemi – tha Bela Bajaria, Shefe e Global TV në Netflix -. Ekipi krijues, i udhëhequr nga Shonda Rhimes, e njihte materialin dhe prodhoi një dramë të bukur, emocionale dhe romantike. Ata kanë plane emocionuese për të ardhmen dhe ne mendojmë se publiku do të vazhdojë të shijojë këtë shfaqje. Jemi duke planifikuar të punojmë në Bridgerton për një kohë të gjatë “.
Sezoni i parë i Bridgerton, seriali i krijuar nga Chris Van Dusen dhe prodhuar nga Rhimes, bazuar në romanet nga Julia Quinn, rezultoi një thesar për Netflix, duke u bërë janarin e kaluar, pas një muaji pas debutimit, seriali më i shikuar në historinë e tij. Ai kishte 82 milion shikues në 28 ditët e para të programimit. “Që nga hera e parë që lexova historinë e lezetshme Bridgerton të Julia Quinn – tha Shonda Rhimes nga Shondaland – e dija që do të mahniste audiencën.”
Kapitulli i parë ka për protagonist Daphne Bridgerton (Phoebe Dynevor) dhe Simon Basset, Duka i Hastings (Regé-Jean Page) dhe historinë e tyre pasionante të dashurisë. Nga ana tjetër, seriali i dytë përqendrohet tek Anthony Bridgerton (Jonathan Bailey), vëllai i Dafnit, dhe kërkimin e tij për një partner për gjithë jetën.
Disa javë më parë u njoftua se Regè-Jean Page nuk do të ishte pjesë e sezonit të dytë, duke lënë miliona fansa në dëshpërim. Fillimisht u tha që aktori britanik kishte një kontratë për vetëm një sezon të serialit. Sipas thashethemeve të Page Six (NyPost), sidoqoftë, Page do të ishte larguar pasi nuk ishte dakort vazhdimësinë e rolit të tij nga protagonist në rol dytësor. Netflix ende nuk ka njoftuar se kur do të shfaqet sezoni i dytë. Midis aktorëve, hyrje të re kemi Charithra Chandran, Shelley Conn, Calam Lynch dhe Rupert Young, përkatësisht në rolet debutues Edwina Sharma, Mary Sharma, nëna e Edwina, intelektualit Theo Sharpe dhe Jack, me lidhje me një nga familjet në serial.
