Eshtë hedhur online trailer-i i parë i Our Brand Is Crisis, filmi i regjisorit David Gordon Green që ka për protagoniste aktoren Sandra Bullock në rolin e “Calamity” Jane Bodine, ish këshilltare në politikën amerikane e përfshirë në një skandal, që i rikthehet punës së saj pasi kontaktohet nga kandidatit për president në Bolivi, si dhe nga dëshira për të mundur rivalin e saj të përhershëm Pat Candy (Billy Bob Thornton) i angazhuar nga rivali i kandidatit për president.
I bazuar në dokumentarin me të njëjtin titull të 2005-ës të Rachel Boynton, i përqëndruar në strategjitë politike të ndërmarra për fushatën elektorale në Bolivi të ish këshilltarëve të presidentit Clinton, James Carville dhe Stan Greenberg, filmi, i prodhuar nga George Clooney dhe Grant Heslov është shkruar nga Peter Straughan, dhe përfshin në cast aktorët e tjerë Anthony Mackie, Zoe Kazan, Scoot McNairy, Ann Dowd dhe Joaquim de Almeida.
