Vitin e shkuar mbështetja e aktorit të njohur të Holliwood, Leonardo Di Caprio për kauzën e ndërtimit të hidrocentraleve në lumin Vjosa bëri bujë në mediat shqiptare dhe ndërkombëtare. Më pas ai ju rikthye kësaj teme duke ndarë një foto të lumit Vjosë në rrjete sociale, shoqëruar me një shkrim të gjatë ku liston arsyet pse ky lumë duhet të ruhet.
“Në 25 Shtator, Kryeministri i Shqipërisë Edi Rama njoftoi se projekti i digës Kalivaç u refuzua dhe se zona do të bëhet një park kombëtar. Parku Kombëtar i lumit të Vjosa do të bëhej vendi më i madh i Evropës për ruajtjen e lumenjve që mbulon disa qindra kilometra lumenj dhe përrenj dhe mbron qindra apo edhe mijëra specie, si ngjala e Evropës në rrezik global dhe flutura e Vjosës e zbuluar së fundmi.
Kjo do të ishte një arritje e madhe për Shqipërinë dhe pjesën tjetër të Evropës dhe parku mund të bëhet një model për Strategjinë e Biodiversitetit brenda kornizës së Marrëveshjes së Gjelbër. Në pritje të më shumë lajmeve të mira në lidhje me veprimet konkrete për mbrojtjen e përhershme dhe të plotë të lumenjve në Bosnjë dhe Hercegovinë, Shqipëri dhe pjesën tjetër të rajonit të Ballkanit që përbëjnë ‘Zemrën Blu”, shkruan Di Caprio në llogarinë e tij në ‘Instagram’ duke i bërë thirrje edhe kryeministrit federal të Bosnje dhe Hercegovinës të ndërmarrin hapa ligjore për të mbrojtur lumenjtë.