Portali informativ i pavarur në gjuhën greke, i dedikuar në përcjelljen e lajmeve në Kishën Ortodokse, veçanërisht në Greqi por edhe më gjerë, në seksionin e lajmeve për Shqipërinë, zonën e Jugut, e konsideron ende me termin “Vorio Epir”.
Në 2 artikuj të publikuar në “Romfea.gr” me autor një klerik grek, shihet qartë specifikimi i termit “Vorio Epir” për të dalluar Jugun e Shqipërisë:
Artikulli i datës 6 Janar 2019 mbi festimet e ujit të bekuar vjen me këtë titull: “Kremtim festiv i Theofanisë (Ujit të Bekuar) në Vorio Epir,” (në greqisht: “Πανηγυρικά εορτάστηκαν τα Θεοφάνεια στη Βόρειο Ήπειρο”) , Ku në tekst shihet lehtësisht specifikimi i termit “Vorio Epir” për të raportuar për zonat e Jugut të Shqipërisë.
Një tjetër artikull i paprecedent i portalit fetar, është edhe ai i ditës 25 Dhjetor 2018 me të njejtin autor. Kësaj rradhe me raportimin e festës së Krishtlindjeve, autori përsëri e specifikon Jugun e vendit si “Vorio Epir”: “Çaste Krishtlindjesh me mesazhe të paqes në Vorio Epir” (në greqisht: Χριστουγεννιάτικες ακολουθίες με μήνυμα ειρήνης στη Βόρειο Ήπειρο).
Termi “Vorio Epir” është një prej termave më të përfolur përsa i përket çështjeve të mardhënies Shqipëri-Greqi ndër vite. Vorio Epiri është pretendim territorial i Greqisë mbi territoret jugore të Shqipërise, duke i konsideruar ato si territore greke per shkak te prezences historike te minoritareve grek ne keto zona./IMAlbania.com/