Demi Lovato ka dalë edhe një herë publikisht për të bërë një rrëfim tronditës, duke ndarë dy histori nga e shkuara, në dokumentarin e saj në Youtube: Demi Lovato: Dancing With the Devil. Mes shumë emocionesh, këngëtarja zbuloi se është përdhunuar dy herë, në një natë në 2018-ën kur kaloi në overdozë, nga personi që I kishte dhënë drogën dhe në moshën 15-vjeçare, kur ishte një yll I Disney, nga një adoleshent tjetër.
“Nuk kalova thjesht në overdozë. Abuzuan me mua.”- thotë artistja e njohur në dokumentar në lidhje me rastin e fundit- “Kur më gjetën, isha lakuriq, pa ndjenja. Më kishet lënë gati të vdekur pasi abuzoi me mua. Kur u zgjova ne spital, më pyetën nëse kisha bërë seks me dëshirën time. Mu kujtua një moment kur e pata sipër meje dhe për momentin thashë po. Por 1 muaj pas overdozës kuptova që nuk kisha qenë në gjendjen për të marrë një vendim të tillë në atë moment, ai kishte abuzuar me mua.”
Ndërkohë, nga ngjarja e rëndë e 2018-ës, ajo kaloi në rastin tjetër tronditës, kur është përdhunuar në adoleshencë. Demi tha se nuk e kishte treguar më parë historinë e overdozës, pasi kishte firkë se nuk do të besonin atë që i kishte ndodhur në moshën 15-vjeçare.
“Kur kam qenë adoleshente, jam gjendur në një situatë të ngjashme. E kam humbur virgjërinë nga një përdhunim”– ndërsa ka treguar se shoqërohej me djalin që kishte abuzuar, por nuk ishte aspak gati për të kryer marrëdhenie me të:
“Isha pjesë e turmës së Disney që publikisht kishin thënë se do të prisnin derisa të martoheshin për të kryer marrëdhenie. Nuk pata një herë të parë romantike. Nuk ishte aspak kështu, ishte diçka e shpifur dhe më duhej ta shihja personin që abuzoi me mua gjatë gjithë kohës, U përballa me atë situatë në mënyra të tjera, ndalova së ngrëni për shumë kohë.”
Më pas këngëtarja shtoi: “E kam menduar për vite me radhë atë që ndodhi dhe e kam pasur të vështirë ta kuptoja që ishte një abuzim. Ne ishim bashkë, por në atë moment i thashë që kjo nuk ka për të ndodhur, jam e virgjër dhe nuk dua të ndodhë kështu. Por kjo nuk kishte rëndësi, ai vazhdoi. Dhe unë mendova se ishe faji im sepse isha në një dhomë me të.”
Po ashtu Lovato tha se ajo nuk kishte folur me të rriturit në jetën e saj për përdhunimjn dhe personi që e bëri nuk ishte ndëshkuar kurrë. Pas të dyja rasteve Demi tha se kishte reaguar duke u përpjekur të merrte kontrollin e situatës, ndërsa ishte përpjekur të kontaktonte me personat, pavarësisht asaj që kishin bërë, megjithatë sërish ishte ndjerë keq.
Këngëtarja gjithashtu sqaroi arsyen pse kishte vendosur të fliste pikërisht tani: “Po flas për këtë që më ndodhi pasi të gjithë ata që e përjetojnë duhet ta ngrenë zërin absolutisht nëse duan. Gratë janë më të shtypura se burrat, sidomos në moshën 15-vjeçare, dhe kur je një yll filmash që duhet të jesh model për të gjithë dhe që ka thënë se do kryej marrëdhenie pasi të martohem. Çfarë duhet të thoja pasi kisha bërë këtë deklaratë, pas 6 muajsh të dilja e të thoja që bëra seks edhe pse ishte një përdhunim. Disa njerëz nuk do të më besonin fare.”
