Amerika ka vendosur që të tërheqë të gjithë ushtarët që ka në Afganistan dhe në Irak. Lajmin e bëri të ditur Sekretari i Përkohshëm i Mbrojtjes, Christopher Miller, i cili tha se shumica e ushtarëve do të kthehen në SHBA para datës 15 janar të vitit 2021. SHBA në të dy vendet ka 7,500 trupa dhe se nuk do të jenë më shumë se 2,500 trupa. Në Afganistan janë 4,400 trupa ndërsa në Irak 3,000 trupa.
Në lidhje me pjesën tjetër të trupave që janë në këto vende Këshilltari i Sigurisë Kombëtare, Robert O’Brien tha se do të qëndrojnë për të mbrojtur ambasadat dhe diplomatët amerikan.
Ata trupa do të mbrojnë ambasadat tona dhe agjencitë e tjera të qeverisë amerikane duke bërë një punë të rëndësishme në ato vende. Ata do të mbrojnë diplomatët tanë dhe ata do të parandalojnë armiqtë tanë. Deri në maj, shpresa e Presidentit Trump është që të gjithë do të vijnë në shtëpi të sigurt, u shpreh ai.
Në kohën që do të bëhet kthimi i ushtarëve në SHBA, vendimet i takojnë Presidentit Biden që t’i marrë pasi merr detyrën në janar të 2021-it. Për këtë tërheqje të trupave ka reaguar edhe Sekretari i Përgjithshëm i NATO-së, Jens Stoltenberg, i cili ka thënë se blloku ushtarak mund të paguaj një çmim të madh nëse tërheqë trupat para kohe.
