Shtëpia e vrasjeve nga sezoni i parë i “American Horror Story” nuk është vetëm një shtëpi hororri por edhe ngërçeve ligjore.
Dr. Ernst R. von Schwarz dhe Pier Angela Oakenfold, të cilët blenë rezidencën e Rosenheim në vitin 2015, po padisin pronarët e mëparshëm për mos informimin se shtëpia ishte përdorur në serialin e horrorit të Ryan Murphy.
Padia u paraqit ndaj agjentëve mobilarë “Coldwell Banker”, Stephen John Apelian dhe Joyce Bowman Rey, që ndërmjetësuan shitjen dhe Elizabeth Axelrod, që shiti pronën. Von Schwarz dhe Oakenfold po kërkojnë dëshpërblim për shkelje të kontratës dhe “mashtrim” në një shumë deri në 3 milionë dollarë.
“Pa dijeninë e paditësve, dhe pa dhënien e informacioni të plotë tek ata nga pandehurit, qindra ndjekës të emisionit televiziv do të vinin në ndërtesë duke krijuar jo vetëm shqetësim për banorët në banesë por edhe për fqinjët në lagje”-citon padia.
Padia gjithashtu thotë se të pandehurit nuk arritën të kishin informacion edhe për dëmtimin e pronës, duke përfshirë “rrjedhje të konsiderueshme, uji dhe sasi të madhe të lagështisë”./imalbania.com/
