Edhe pse reshjet e shiut kanë përfunduar tashmë, qyteti i Lezhës vuan pasojat e erozionit të tokës duke regjistruar banesa dhe rrugë të dëmtuara dhe duke rrezikuar seriozisht jetën e banorëve.
Në një lidhje live nga Lezha, gazetari i Ora News Elvis Hila u shpreh se, problematike është situata edhe në lagjen “Varosh” të qytetit Lezhë ku disa objekte rrezikohen nga rrëshqitja e një sipërfaqe të konsiderueshme toke.
“Është krijuar një situatë mjaft problematike dhe e frikshme nga fenomeni i erozionit pas reshjeve të dendura të shiut të fillim-janarit. Janë dëmtuar banesa, rrugë ndërsa shumë objekte të tjera janë në rrezik, siç është edhe rasti në lagjen “Varosh” të qytetit të Lezhës ku ka rrëshqitur një pjesë e konsiderueshme toke duke vënë në rrezik disa objekte që ndodhen në këtë zonë”, u shpreh ndër të tjera Hila.
Sipas gazetarit, ekspertët e mjedisit shprehen se keqtrajtimi i natyrës, kryesisht zhveshja e maleve dhe kodrave nga bimësia është një kërcënim serioz për disa zona të qarkut të Lezhës.
Problematike situata paraqitet edhe në Bashkinë e Mirditës.
Problematike situata paraqitet edhe në Bashkinë e Mirditës.
