Prodhuesi amerikan i anijeve hapësinore Spacex dërgoi një anije kozmike me 4 astronautë ne stacionin hapësinor.
Ekuipazhi përbëhet nga 3 amerikanë nga NASA dhe një gjerman nga Agjencia Evropiane e Hapësirës.
Udhëtimi e ka emrin “Crew-3” dhe do t’i çoje këta astronautë për të bërë punë kërkimore laboratori për 6 muaj në stacionin hapësinor.
“Crew-3” është grupi i tretë i Spacex që niset me këtë mision. Nisja e grupit ishte shtyrë më parë për shkak të motit të keq.
Me të mbërritur, ekuipazhi është i detyruar të bëjë kontrollet sipas procedurës.
Stacioni hapësinor, që është i madh sa një fushë futbolli, është vizituar që nga nëntori i vitit 2000, nga pesë agjencie hapësinore të 15 vendeve.
NASA thekson se, përveç që SHBA-ja ka një mënyrë për të dërguar astronautë në hapësirë, Spacex i ofron një kosto më të ulët për dërgimin e astronautëve në hapësirë.
Agjencia do të paguajë 55 milionë dollarë për astronautët për të fluturuar me “Crew-3”.
