Vaksina ruse gati për dy javë, ministri i Shëndetësisë hedh poshtë shqetësimet për sigurinë e saj

Ditën e mërkurë Rusia tha se dozat e parë të vaksinës Covid-19 do të jenë gati për disa mjekë brenda 2 javësh, njëkohësisht duke mohuar shqetësimet e pabaza të ngritura nga ekspertët, për sigurinë e saj.

Presidenti Vladimir Putin tha ditën e martë se Rusia në më pak se dy muaj teste, është bërë shteti i pare që ka arritur të sigurojë aprovimin  rregullt për vaksinën Covid-19.

Vaksina nuk ka përfunduar ende testet klinike finale. Vetëm 10% e testimeve klinike janë të suksesshme dhe disa shkencëtarë kanë frikë se Moska po sakrifikon sigurinë për hir të prestigjit ndërkombëtar.

Ministri Gjerman Jens Spahn u shpreh skeptik për ngjarjen në Rusi, duke thënë se mund të jetë shumë e rrezikshme të fillohet vaksinimi i milionave apo miliard njerëzve kaq herët, pasi, nëse diçka shkon keq, do të mund të rrezikojë pranimin e vaksinës nga njerëzit .

Autoiritetet shëndetësore ruse kanë hedhur poshtë kritikat duke këmbëngulur se vaksina ishte e sigurt. Sipas ministrisë ruse të shëndetësisë, vaksina do të jetë gati shpejt, dhe do të përdoret nga njerëzit në baza vullnetare, duke përfshirë edhe mjekë.

Rusia ka njoftuar se planifikon të prodhojë 5 milion doza vaksine në muaj duke filluar nga periudha Dhjetor-Janar.