Vret veten aktori i njohur i serialit; ishte akuzuar për pjesëmarrje në pornografinë për fëmijë

Photo Credit: Hello Magazine

Mark Salling i cili ka luajtur personazhin e Puck në serialin “Glee” i transmetuar premierë në Fox, është gjetur i vdekur si pasojë e vetëvrasjes në moshën 35 vjeçare.

Avokati i aktorit të njohur në një deklaratë të dhënë për EW, ka konfirmuar vdekjen e Mark duke u shprehur se ai ishte një njeri tepër i dashur me një kreativitet mjaft të madh. Ai ka kërkuar gjithashtu nga mediat që privatësia dhe respekti në këto ditë të ruhen për familjen Salling.

Trupi i Salling është gjetur në vilën e tij në Sunland, Kaliforni ku edhe jetonte.

Ai ka luajtur rolin e Puck në “Glee” i transmetuar gjatë viteve 2009-2015. Ai ka qenë pjesë e filmit “Gods and Secrets”, por personazhi i tij u hoq nga producenti për shkak të arrestimit të aktorit në Dhejtor të 2015-ës.

 

Autoritetet kanë zbuluar më shumë se 25,000 foto dhe 600 video me përmbajtje të pornografisë për fëmijë të cilat i përkisnin aktorit. Sailling u akuzua në Maj të 2016-ës për përshirje në video pornografike të vajzave adoleshente, edhe pse gjyqi u shty për shkak të avokatit të ri që ai kishte zgjedhur.

Mark pranoi akuzat në Tetor të vitit të kaluar, dhe u shpall në Dhjetor fajtor. Si pjesë e marrëveshjes me gjykatën, Salling u fut në rregjistrin e “sex offender-ave” duke iu ndaluar rreptësisht kontakti me minorenët dhe qendrimi në një distancë prej 30 metrash nga vendet publike si shkollat, parqet, pishinat, qëndrat rinore dhe ato të lojërave. Gjithashtu edhe pagesën prej 50,000$ për çdo viktimë, sipas dokumentave./IMAlbania.com/