Këngëtarja shqiptare me famë botërore, Bleona Qereti muaj më parë bëri të ditur se do të aktrojë në një film me Nicolas Cage dhe më në fund filmi është publikuar. Lajmin e ka dhënë Bleona me anë të një postimi në Instagram ku ka publikuar një video nga momenti ku ajo shfaqet në lokal, me një këmishë të bardhë të zbërthyer teksa trembet nga breshëria e plumbave.
“Ishte nder i jashtëzakonshëm të isha pjesë e këtij projekti. Fansat e mi të dashur filmi 211 është publikuar”, shkruan Bleona krah videos të cilën mund ta shihni më poshtë. Kujtojmë që këngëtarja e cila tanimë po tregon edhe aftësitë në aktrim, në këtë film luan krah aktorëve të njohur jo vetëm Nicolas Cage, por edhe Sophie Skelton, Dwayne Cameron, Amanda Cerny etj.
