Ndërsa vendi është zbardhur nga dëbora, kushtet e pazakonta kanë shkaktuar dhe probleme në aviacion.
Linja Air Albania nga Verona dhe Bolonja nuk ka arritur të ulet në TIA duke bërë ulje të detyrueshme në Bari.
Si rrjedhojë, Aeroporti i Tiranës ka njoftuar se pista do të jetë e mbyllur deri në orën 02.00 të mëngjesit të sotëm.
NJOFTIMI I TIA
Njoftojmë të gjithë familjarët e pasagjerëve që presin njerëzit e tyre në Aeroportin Ndërkombëtar të Tiranës, me linjën Air Albania nga Verona dhe Bolonja, që të dy fluturimet do të zbresin në Bari, për shkak të mosoperimit në pistë. Për shkak të kushteve atmosferike, pista është mbyllur deri ne orën 02.00 të mëngjesit të sotëm.
Do t’ju njoftojmë për çdo informacion tjetër.
Faleminderit për bashkëpunimin.
Tirana International Airport
