Platforma e shitjeve online Amazon po përpiqet të rekrutoj shitësit nga eBay duke i kontaktuar ata nëpërmjet sistemit të mesazheve të faqes së ankandit dhe e-commerce eBay. Cështja u bë publike pas një raportimi të bërë dhjetë ditë më parë nga një shitës me pakicë i cili informoi eBay-n se ai u kontaktua nëpërmjet një mesazhi privat nga një përfaqësues shitjesh i Amazon. Sipas Wall Street Journal, eBay i dërgoi një letër kompanisë së Jeff Bezos të hënën, më 1 tetor, duke i kërkuar gjigantit të tregtisë elektronike të pezullojë këtë praktikë “të paligjshme”.
“I kemi kërkuar Amazon që t’i japë fund kësaj praktike të paligjshme dhe nëse është e nevojshme do të ndërmarrim hapat e nevojshëm për të mbrojtur eBay”, shkruhet në letër. Teza e faqes së ankandit është se grupi i udhëhequr nga Bezos ka shkelur ligjin e Kalifornisë që mbulon krimin kibernetik i njohur si Comprehensive Computer Data Access and Fraud Act
Sipas eBay, ka rreth pesëdhjetë përfaqësues të shitjeve të Amazon që kanë dërguar mbi një mijë mesazhe duke u përpjekur të rekrutojnë shitësit në eBay.
