Rekordet e infektimeve të shënuara ditët e fundit, kanë bërë që Greqia të fusë në karantinë disa qytete të tjera. Serres dhe Janina në Greqinë veriore dhe perëndimore nga sot futen në izolim.
Kjo do të thotë që në këto zona maska është e detyruar të përdoret në çdo ambient, brenda dhe jashtë, si dhe vendoset shtetrrethimi nga ora 12:30, deri në 05:00 të mëngjesit. Ndalohet çdo lloj lëvizje jashtë këtyre orareve.
Gjykatat, terrenet e lojërave, vendet arkeologjike, muzetë, restorantet dhe kinematë do të mbyllen.
Qytete të tjera si, Naxos dhe Rodopi kaluan në nivelin dy një ditë më parë dhe nëse shkojnë te 3-shi do të fillojë përdorimi i maskave kudo dhe futja e policisë në çdo zonë.
Njësitë rajonale më të populluara të Greqisë, Atika dhe Selaniku, mbeten në nivelin 3. Nëse edhe këto qytete kalojnë te 4-ra do të izolohen si, Serres, Janina, Kastoria dhe Kozani.