Gjermanët i shohin lajmet e rreme si rrezik për zgjedhjet në BE

Shumica e gjermanëve i tremben faktit se zgjedhjet e ardhshme europiane mund të manipulohen nga “fake news”, sipas një sondazhi të publikuar sot.

ADVERTISEMENT

Ky sondazh i zhvilluar nga kompania PwC zbuloi se 50% e vlerësojnë këtë rrezik si “të lartë” ndërsa 21% “shumë të lartë”.

ADVERTISEMENT

Gjermanët shprehin gjithashtu shqetësim mbi mënyrën se si të dallojnë lajmet e rreme, me 44% prej tyre që shprehen se përpiqen t’i dallojnë ato dhe pranojnë se vendimi i tyre në ditën e zgjedhjeve mund të influencohet nga “fake news”.

Gjermanët mendojnë në masën 69% se i takon platformave të medies sociale që të monitorojë dhe fshijë “fake news”, ndonëse 68% mendojnë se qytetarët duhet të informohen më shumë dhe 61% besojnë se media duhet të qartësojë qëndrimet e saj ideologjike.