Illumination dhe Universal do të sjellin në kinema filmin e Super Mario Bros.

Illumination Entertainment dhe Universal Pictures kanë firmosur një marrëveshje historike me Nintendo për realizimin e versionit kinematografik të Super Mario Bros.. Me më shumë se 300 milionë kopje të shitura të video lojës, me protagonist Marion dhe vëllain e tij Luigi, loja renditet si më e shitura e të gjitha kohërave.

Negociatat midis palëve kanë nisur më shumë se një vit më parë. Shigeru Miyamoto, krijuesi i Super Mario Bros., me siguri do të jetë pjesë e produksionit në fazën kreative të projektit filmik, sikurse, administratori i Illumination Chris Meledandri. Procesi i animimit do të kryhet në Mac Guff në Paris, dhe do të duhen vite për të parë produktin final në kinema.

Nintendo ka dhënë më në fund të drejtat e shfrytëzimit të Super Mario pas shumë vite refuzimi, si rezultat ky edhe i suksesit të paarritur në vitin 1993 të filmit me protagonist Bob Hoskins.

loading...

KOMENTO