Në kulmin e infektimeve, Alimehmeti: Jemi në skenarin më të keq, masat jo të duhurat

Bashkohuni me grupin tonë zyrtar në Facebook duke klikuar këtu!

Shqipëria po arrin skenarin më të keq nga pandemia e COVID-19 . Sipas Organizatës Botërore të Shëndetësisë por edhe të dhënave të përditësuara, vendi ynë është në nivelin më të lartë të transmetimit komunitar të koronavirusit.

Vetëm 7 ditët e fundit, infektimet kanë arritur në 266 raste për 100 mijë banorë, duke tejkaluar incidencën e 189 shteteve të botes, dhe lëmë pas Shtetet e Bashkuara të Amerikës, Brazilin, Spanjën dhe Italinë, vendet më të goditura nga pandemia. Por si lexohet situata nga specialistët në vend?

“Ne jemi në transmetim komunitar të nivelit më të lartë, ai C4 sipas OBSH. Po t’i merrni indikatorët tonë ne jemi qartësisht në transmetim komunitar sipas skenarit më të keq të mundshëm. Jemi relativisht qëndrueshëm po skenari është ky” thotë për A2 epidemiologu Ilir Alimehmeti.

Ai është kritik ndaj kufizimeve që po aplikon qeveria këtë periudhë. Madje sipas tij, masat e fundit nuk kanë dhënë efektet e duhura. Alimehmeti këmbëngul për masa të shtuara ndaj lokaleve dhe restoranteve, një nga burimet kryesore të përhapjes së virusit.

Me ngrohjen e motit dhe frekuentimin e ambienteve te hapura, Alimehmeti thotë se ulja e infektimeve pritet të ndihet në fund të marsit, ndërsa në spitale kjo situatë do të reflektohet dy javët e para të prillit.

BurimiA2CNN
Artikulli paraprakShqipëria mban të njëtat masa, Finlanda futet në bllokim kombëtar 3-javor
Artikulli tjetërVazhdon të rritet numri i viktimave nga Covid-19. Në 24 orët e fundit janë regjistruar 21 të vdekur