Norvegjia mban primatin botëror si vendi që fiku sinjalin e transmetimit radiofonik në valë FM. Duke filluar nga 13 dhjetori, të gjitha transmetimet radiofonike kanë kaluar në digjitale, në formatin Digital Audio Broadcasting (DAB).
Kalimi në transmetim digjital në Norvegji ka filluar në fillim të muajit janar.
Formati DAB siguron një cilësi më të lartë audio, më shumë kanale radio dhe funksione. Gjithashtu ka kosto 8 herë më pak në krahasim me radion FM. Teknologjia e re e transmetimit detyron radiodëgjuesit pajisjen me aparatura dhe dekoder të rinj. Shumë shpejt edhe vende të tjera, nga të cilat zvicra, Britania e madhe dhe Danimarka do të bëhen gati të mirëpresin standartin e ri.