Rusia thotë se mund ta bllokojë Facebookun, nëse ky rrjet social nuk i ruan të dhënat e përdoruesve rusë në servera të vendosura në territorin rus.
Ky paralajmërim u bë nga Alexander Zharov, kreu rregullatir i mediave shtetërore Roskom-nadzor, disa ditë pasi Rusia bllokoi aplikacionin e mesazheve të koduara Telegram.
Zharov i tha gazetës Izvestia se agjencia e tij do të zhvillojë hetime për Facebook-un deri nga fundi i vitit dhe nëse kjo platformë e mediave sociale nuk i ka vendosur të dhënat e përdoruesve rusë në territorin rus, agjencia e tij do të shqyrtojë bllokimin e saj.
Disa ditë para këtij paralajmërimi, një gjykatë e Moskës miratoi një kërkesë të Roskom-nadzorit për të bllokuar Telegramin, një aplikacion për mesazhe të koduara.
Për shkak të mbrojtës së fuqishme të privatësisë, Telegram është përdorur nga grupet ekstremiste, arsyeja e cituar nga autoritetet ruse për të kërkuar që krijuesi i aplikacionit, Pavel Durov, t’ia dorëzojë fjalëkalimet zyrtarëve rusë të sigurisë.
Por Durov e ka refuzuar këtë, duke thënë se aplikacioni Telegram do ta ruajë lirinë dhe privatësinë e klientëve.
