Ashtu siç u njoftua, nga sot (22 shkurt) të gjitha shkollat e arsimit parauniversitar e mbyllura për shkak të temperaturave të ulëta, janë rihapur.
Nisur nga njoftimi i Ministrisë së Arsimit, mësimi do të vijojë të zhvillohet sipas skenarit të parashikuar, duke u bazuar në respektimin e masave anti-Covid. Vendimi në fuqi parashikon që mësimi të zhvillohet si më poshtë:
– nxënësit e ciklit fillor (klasa 1 – 5) në shkollë;
– maturantët në shkollë;
– dhe nxënësit e klasave 6 – 11 sipas skenarit të kombinuar.
Ministrja Kushi sqaroi gjithashtu se shkollat e mesme që ndodhen në zonat me risk të lartë si Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz do të vazhdojnë mësimin online deri më datë 26 shkurt 2021, ditën kur pritet të merret një tjetër vendim nga Komiteti i Ekspertëve.
