Ndërsa këtë javë rinisën punët taksitë për udhëtimin ndërqytetas, sipas rregullave të reja të diktuara nga pandemia, e javën tjetër pritet të lejohet përdorimi i automjeteve pa leje brenda qarqeve, ende nuk ka një vendin për transportin me autobusë. Kreu i shoqatës “Transporti Kombëtar Interurban”, Kujtim Mema tregoi për “Abcnews” se ky sektor gjendet në vështirësi.
Sipas tij, shumica e kompanive të transportit interurban është me kredi. Një e dytë shtesë në këtëkohë do të ishte shumë e vështirë për tu shlyer. Ai kërkon rifllimin e aktivitetit, pasi shumë shpejtë ky sektor i transportit mund të përballet me falimentimin.
“Shoqëritë e Transportit të Udhëtarëve në Shqipëri janë shoqëri aksionare, të cilët kanë mjetet e tyre dhe punojnë për familjet e tyre. Shumica e transportit ndërqytetës janë me kredi dhe një kredi e dytë nuk na bën mirë. Dy kredi bashkë është e vështirë për t’i shlyer. Jemi tkurrur ekonomikisht. Referuar edhe vendeve fqinje, ndoshta ka ardhur momenti që të bëhet një hapje e punës. Në këtë situatë ku ndodhemi jemi drejt falimentimit”- u shpreh Mema.
Por jo vetëm kaq. Kreu i kësaj shoqate thotë se do do të kërkojnë uljen e taksës nga bashkia e Tiranës. Po ashtu ai paralajmëron dhe rritjen e çmimit të biletës, me të paktën 30%:
“Situata e protokollit të sigurisë mund të na çojë në rritje të biletës. Kjo nuk është e qëllimshme, por e detyrueshme. Nëse do të shkojmë më gjysmë kapaciteti, bileta do të detyrohet me 30%, të rritet. Pritet që të shikohet se si do të vijojë situata”
Gjatë intervistës, Mema u shpreh se në rast se linjat e transportit ndërqytetas nuk hapen këtë muaj, qeveria duhet të realizojë një paketë ndihme financiare për këtë sektor.
