Shuhet aktorja Shpresa Bërdëllima, vuante nga një sëmundje e rëndë

Lamtumirë Shpresa Bërdëllima! Ndahet nga jeta ‘Zonjusha Gajtani’, vuante nga një sëmundje e rëndë

Arti shqiptar humb një nga aktoret që ka lënë gjurmë në kinematografinë e atyre viteve! Shpresa Bërdëllima është ndarë nga kjo botë në moshën 60-vjeçare. “Zonjusha Gajtan”, siç shumë e njohin për shkak të rolit të saj në filmin “Vajzat me kordele të kuqe”, nuk mundi që t’i fitonte betejën e saj me sëmundjen e rëndë prej së cilës vuante prej vitesh.

BELGJIKË- Arti shqiptar humb një nga aktoret që ka lënë gjurmë në kinematografinë e atyre viteve! Shpresa Bërdëllima është ndarë nga kjo botë në moshën 60-vjeçare. “Zonjusha Gajtan”, siç shumë e njohin për shkak të rolit të saj në filmin “Vajzat me kordele të kuqe”, nuk mundi të fitonte betejën e saj me sëmundjen e rëndë prej së cilës vuante prej kohësh.

Ajo ndërroi jetë në Belgjikë, aty ku ishte zhvendosur të jetonte prej vitesh së bashku me familjen e saj.

E lindur më 11 prill 1959, vajza nga Tirana, me bukurinë, elegancën, por mbi të gjitha me mjeshtërinë e saj në aktrim, Shpresa Bërdëllimado të mbetet gjatë në memorien e publikut shqiptar. Origjina e prindërve të saj ishte nga Gramshi, ku spikati në aktrim duke u shndërruar në një ikonë të kinematografisë shqiptare. Ajo ka numëruar një sërë rolesh në disa prej filmave më të suksesshëm të para viteve ’90, ku mund të përmendet:

Vajzat me kordele të kuqe (1978)… zonjusha Gajtani

Përtej mureve të gurta (1979)… Asimeja

Era e ngrohtë e thellësive (1982)… Vali

Kur hapen dyert e jetës (1986)… Liza

Kur ndahesh nga shokët (1986)… Zana

Të shoh në sy (1986)… bashkeshortja e z. Mina

Mirela (telekomedi) – (1988), Mirela

Flutura në kabinën time (1988)… Keti

B.K./Shqiptarja.com

REKLAMA
loading...

KOMENTO

This site uses Akismet to reduce spam. Learn how your comment data is processed.