Përfundon me sukses faza e parë eksperimentuese tek kaviet e një vaksine efikase kundër shumë llojeve të koronavirus. Sipas analizave në laborator vaksina rezultoi se stimulon prodhimin e antitrupave neutralizues jo vetëm ndaj Sars Cov2, që është virusi i Covid-19, por edhe ndaj Sars Cov1 që është përgjegjës për sindromën e frymëmarrjes akute, por edhe të tre coronavirus të ngjashëm të transmetuar nga lakuriqët e natës dhe kafshë të tjera.
Analizat janë publikuar në revistën shkencore Eksperimentale Mjekësore nga kërkuesit e Universitetit të Osakës në Japoni. Nëse këto do të konfirmoheshin me të njëjtin efikasitet edhe tek njeriu, atëherë mund ti hapet rruga krijimit të një vaksine të një gjenerate të re që do të parandalonte pandemi të ardhshme të tjera nga koronavirusi.
Vakisnat aktuale në përdorim kundër Covid 19 nuk janë me spektër të gjerë. Ato mund të stimulojnë prodhimin e antitrupave që njohin kokën e proteinës Spike, që është specifike e virusit Sars Cov2 dhe jo për coronaviruset e tjera. Për të tejkaluar këtë problem, kërkuesit japonezë kanë mbuluar proteinën Spike në mënyrë që sistemi imunitar të arrinte të dallonte jo kokën, por zemrën e virusit, që është gjithnjë identike në të gjithë llojet e koronaviruseve.
